ابيات طريفه لاصحاب الجيوب والهيلوكسات وهواة البر

[أبوخالد]

هذه الابيات لهواة البر والكشتات :


البر هو زادي وحبي وسلواي **** واللي بيخاويني حجاجه يفله

عندي منام الطعس والرمث مركاي****اغلى من القصر المشيد وزله

اشيل بارودي على الجيب وغذاي ***** دايم تراجل والمقفي تذله


وهذا البيتين راح تعجبكم يقول الشاعر:

بعض العرب ودك تحطه بمخباك *** وتظهر خشيمة كل ساعة وتحبه


وفي راويه اخرى :

بعض العرب ودك تحطه بمخباك +++ وبعض العرب لامن مشى ضيق السوق


وهذا الشاعر يعاني من الوحده ويقول :


تعال إجلس وسط صدري وبدد وحشة الوجدان *** وإذا حسيت بالوحدة تسلى ورتب ضلوعي


وراعي البر يقول :


لاضاق صدري شلت صفر المعاميل
...................................... ونزلت لي في راس ضلع منيفي
أجر صوتي في قصيد ومواويل
................................ وأشب ضويـــــــــي لو أنا بعز صيفي
وأدنيت يمي عزبة البن والهيل
.................................. وسويت لي كيفن على كيف كيفي


وهذا من عشاق الكاكاو والجلكسي يتغزل ويقول :


أنت الحلا بين الملا والكل منك مقهور

زي الجلكسي متربع(ن) بين توفي وغندور


وهذا يضرب مثال لعشق الشياب للمعونه اللي تجيهم من الشؤون على وقت التابعيه ويقول :

أشتاقلك شوق الشويّب على الشون

جاه الضمان وضيع التابعية



وهذا يضرب مثال لقلبه بسبرمان رايح لعرس ومعه حريم ومستعجلات لايفوتهم شي من العرس :



تل قلبي تل قير الســــــبرمــاني 000000سايقه هندي وعماته نخــــــــــــنه

يوم تله صار لقزوزه غــــنانــي 000000كن نجدات الحكومه يطــــــــــردنه

باغيات عرس في صالة بيانــي 000000صالة عنوانها ماحددنـــــــــــــــــه

دوج الهندي الى الساعه ثماني000000 وازعلن وكرت العزيمه قطعنـــــه


وهذا شاعر يعاتب جواله لما اشتاق لحبيبه ومارد عليه :


! الله حسيبي على الجوال وابراجه*****ماسد حاجتي يوم إني احتجته

بغيت اكلم هوى بالي ولي حاجـه*****وفتحت زرالقفل والرقم برمجته

لكن ماجاوب الجوال هـــــــراجه*****ياليت جوالي اسعفني وهرجته

وهذا مدرس طالع للبر وماوده يرجع يدوام :

خوذودفتري والقلم والتحاضـير "" سلم عليـهم قلهم يفصــلوني

مـاقصدي أتركهم دشاره وتقصير "" لكن نسيم الليل هيج شـجوني


وشوف الفقع والبر وملاعب الطير "" وجلسة نشـاما بالوفى يعـرفوني


وبلغ مديري له تحيه وتقـــدير "" وقلـه على الطابور لايحـتروني


وهذا يحب له وحده بنت نعمه والمسكين جالس بالحر وهي تبي تسافر يقول :

قالت بصيف بين لندن ومدريد.......... وانته حبيبي وين ودك تصيف

قلت اتركيني للحزن والتناهيد.......... الله يخلي غرفتي والمكيف


هذي لأصحاب الهايلكسات :


قلبي نفود وانت حبك هايلكس *** يكفي حبيبي داخل القلب تطعيس


ارجو تنال استجسانكم واللي عنده من هالابيات لايبخل علينا


وتقبلو تحيات ابوخالد