أََلا يالله بغيثـن ترجـع الأوطـان مـن وبلـه

[الشقاوي]

أََلا يالله بغيثـن ترجـع الأوطـان مـن وبلـه=يعم أرجاء الخليـج وعالـم الإسـلام بامطـاره

مغيثن مربعـن صيّـب يعـم القـاع والعبلـه = ويكسي صفحة السهل الخصيب النبت وازهـاره

يعج الجو عطر مـن النفـل والشيـح والربلـه = وسطح الأرض خضراء كنهـا سجـاد وستـاره

يسر العين شوف العشب والوبال وسـط إِبلـه = ما يغبط راعي السـوق الكبيـر وكـل تجـاره

يرحب بالضيوف ويكـرم العانـي ويتعـب لـه = ويعطي من نصاه امن العـرب قـدره ومقـداره

وأنا أحب الأصاله والأصيل أهواه وارغـب لـه = وزمنّا دق ناقوس الخطـر واسترسـل الغـاره

زمان العولمه مشينـك.. منـك الكبـد مندبلـه=على أمجاد العرب مقوى سهمك وما أكثر أخطاره

أشوف الناس معظمهـم مـع التيـار منهبلـه=وجسور المعنويـات الشريفـه فيـك منهـاره

بك العالم لجمـع المـال كلـن طايـرن شَبلـه = نسـو كـل القيـم والعصـر جارفهـم بتيـاره

غزانا فـي عقيدتنـا الفضـا بعلومـه الخبلـه = ثمانمـيـة قـنـاه وزود لـلأخـلاق دمّــاره

شباب العالـم المسلـم تناديـه و تقـرب لـه = بالأفكـارالجريّـة والحيّـل والبَـث وأقمـاره

على شان الشباب يرُوم مايعرض ويطـرب لـه = يهيم من الطرب ومطاوعـن للنفـس الامـاره

وسهوم الكفر والإلحاد تركز لـه وتنصـب لـه =هدفهم جيلناالناشـي وهـدم الديـن واسـواره

حـرامٍ ننثنـي للغـرب دامنّـا هـل القبـلـه = ونفخر بالحرم وأشرف مكـان يشـع بانـواره

على النهج الحكيم أجدادنـا والنفـس منجبلـه = لناالتاريخ يشهد وانشدوا من خطـوا أسطـاره

وطنّـا قبلـة الإسـلام والإسـلام ينسـب لـه = نزل جبريل فوق المصطفى بالوحي فـي غـاره

ونشر صفوة قريش الدين كله ما قصـر حبلـه = وصل بالدعوة العُظمى يميـن الكـون ويسـاره

أَلا ..سبحان من سدد على صدور العـدا نبلـه = وعزّ مهاجـري مكـة وعـزّ بيثـرب أنصـاره

بنوا صرح الحضـاره فالبـلاد وبينـوا سبلـه = من المشرق إلى أقصى المغرب المعروف وقطاره

سبقنا الغرب في كـل العصـور وعلمنـا قبلـه = ويعرّف مستوانا مـن يجـي للمتحـف أزيـاره

وتضم المكتبات أعظم تُراث ومـن تسبـب لـه = ومن لجله بذل مـرّ العُصـور اجهـود جبّـاره

وذا ما يمنع إنـا ناخـذ الطيّـب ونرقـب لـه =وناخـذ تقنيتهـم فالجديـد ونكشـف أسـراره

ولا نتبـع ولانرقـب هـل المزمـار والطبلـه = ولا نسمـع كـلام المشتبـه واريـاه وأفكـاره

هل التوحيد حنّا والوفـا والعهـد يحسـب لـه = لقايدنا فهـد حامـي حمـى الإسـلام وديـاره

وولي العهد جعل الخير والتوفيـق يكتـب لـه = ويقضي طيب السمعه علـى الإرهـاب ووكـاره

و..أََلا يالله بغيثن ترجع الأوطـان مـن وبلـه = يعم ارجاء الخليـج وعالـم الاسـلام بامطـارة



قصيدة عبدالعزيز بن نواف بن رازن

منقوووووووووووووووووووووول