القهوه،وماذا قال الشعراء فيها؟

[الشاهين]

حديثا اليوم عن القهوة العربية رمز الكرم والضيافة ذلك المشروب الذي يقبل على تناوله الكثير من الناس، فهناك القهوة التركية والقهوة البرازيلية، والقهوة العربية وغيرها وهي تختلف من بلد إلى آخر في طريقه عمل هذه القهوة والتي سطر كثير من الشعراء الابيات فيها منذ القدم نعم انها القهوة العربية رمز الضيافة والكرم,, فدعونا نذكر بعض الابيات الشعريه عنها:
* يقول الشاعر محمد بن احمد بن محمد السديري:


يا بجاد شب النار وادن الدلالي ،،،،،،، وأحمس لنا يا بجاد ما يقعد الراس
ودقه بنجر يا ظريف العيالي ،،،،،،، يجذب لنا ربع على اكوار جلاس
وزله الى منه رقد كل سالي ،،،،،،، وخله يفوح وقنن الهيل بقياس
وصبه ومده يا كريم السبالي ،،،،،،، يبعد همومي يوم اشمه بالانفاس
فنجال يغدي ما تصور ببالي ،،،،،،، روابع تضرب به أخماس وأسداس


* وكذلك القصيدة المشهورة للشاعر: دغيم الظلماوي في القهوة:


يا كليب شب الناريا كليب شبه ،،،،،، عليك شبه والحطب لك يجابي
الوالمه يا كليب عجل بصبه ،،،،،، والرزق عند اللي ينشي السحابي
حنا علينا جيب ماها وحبه ،،،،،، وعليك تقليط الدلال العذابي
ادغث لها ياكليب من جزل خبه ،،،،،، وشبه الى منه هباكل هابي
باغي إلى شبيتها ثم قبه ،،،،،، تجذب سراة منبعيد غيابي
بنسرية يا كليب صلف مهبه ،،،،،، متلطمين وسوقهم بالعقابي
صبه لقرم صرفته ما حسبّه ،،،،،، يوم البخيل مدنهر الوجه هابي
وعده عن اللي مايداري المسبه ،،،،،، اللي يدوربالقصي الغيابي
لا جاضع المتروع خطو الجلبه ،،،،،، يا حلو تالي الليل خبط الركابي
اقحص لهم وابدي سلام المحبه ،،،،،، لا شح بالهين كبير العلابي

الى أن قال:


من لا صبر يا كليب في حكم ربه ،،،،،، هذاك يوم البعث ماله ثوابي

وهذا الشاعر: عبدالله العلي الحرير يرحمه الله:


قم سو فنجال ونظف أدلاله ،،،،،،،،، ريحه لراعي الكيف يجلي اعماسه
اشعل ولونه مثل دم الغزاله ،،،،،،،،، لاذاقه الراقد يحارب انعاسه
في مجلس تدله الى جاء مجاله ،،،،،،،،، اللي عن اللجات يقصر حساسه
والا ترا بعض المجالس عذاله ،،،،،،،،، لا معشر طيب ولا فيه اناسه




* وهذا راكان بن حثلين في قصيدة مشهورة:


ياما حلا الفنجال مع سيحة البال ،،،،،،، في مجلس ما فيه نفس ثقيله
هذا ولد وهذا ولد خال ،،،،،،، وهذا رفيق ما لقينا مثيله


* ونختتم رحلتنا هذه مع هذه الابيات:


الكيف خله عند من يشترونه ،،،،،،،،،، المشكلة اللي جابها من بلدها
ياحامسين الكيف لا تحرقونه ،،،،،،،،،، حذراء عن الشعله تغير نقدها
حتى يجيك محمر كن لونه ،،،،،،،،،، مجت جراده ظاهرة من جسدها
صبه على اللي ربعته يدهلونه ،،،،،،،،،، له ربعة من راح منها حمدها
وعده عن اللي واقف له بشوته ،،،،،،،،،، يمسي ويصبح عارف لك عددها
ما غير عنده طايرات عيونه ،،،،،،،،، لا باع شاته جاك حزة وعدها







منقول من جريده الجزيره مع تصرف